Localisation:


Menu:
Internetowa Liturgia Godzin

Dominica post diem 6 ianuarii occurrente
IN BAPTISMATE DOMINI
Festum

Invitatorium

Printer friendly - black&white   Printer friendly - colourful 


V: Dómine, lábia mea apéries.
R: Et os meum annuntiábit laudem tuam.

Psalmus 94
Invitatio ad laudem Dei
Adhortamini vosmetipsos per singulos dies, donec "hodie" cognominatur (Hebr 3, 13)

Ant. Christum, Fílium diléctum, in quo Pater sibi complácuit, veníte, adorémus.

Veníte, exsultémus Dómino; *
iubilémus Deo salutári nostro.
Præoccupémus fáciem eius in confessióne, *
et in psalmis iubilémus ei.

Ant. Christum, Fílium diléctum, in quo Pater sibi complácuit, veníte, adorémus.

Quóniam Deus magnus Dóminus, *
et rex magnus super omnes deos.
Quia in manu eius sunt profúnda terræ, *
et altitúdines móntium ipsíus sunt.
Quóniam ipsíus est mare, et ipse fecit illud, *
et siccam manus eius formavérunt.

Ant. Christum, Fílium diléctum, in quo Pater sibi complácuit, veníte, adorémus.

Veníte, adorémus et procidámus, *
et génua flectámus ante Dóminum qui fecit nos,
quia ipse est Deus noster, *
et nos pópulus páscuæ eius et oves manus eius.

Ant. Christum, Fílium diléctum, in quo Pater sibi complácuit, veníte, adorémus.

Utinam hódie vocem eius audiátis: *
"Nolíte obduráre corda vestra,
sicut in Meríba secúndum diem Massa in desérto, ubi tentavérunt me patres vestri: *
probavérunt me, etsi vidérunt ópera mea.

Ant. Christum, Fílium diléctum, in quo Pater sibi complácuit, veníte, adorémus.

Quadragínta annis tæduit me generatiónis illíus, *
et dixi: Pópulus errántium corde sunt isti.
Et ipsi non cognovérunt vias meas; ídeo iurávi in ira mea: *
Non introíbunt in réquiem meam".

Ant. Christum, Fílium diléctum, in quo Pater sibi complácuit, veníte, adorémus.

Glória Patri, et Fílio, *
et Spirítui Sancto.
Sicut erat in princípio, et nunc et semper, *
et in sæcula sæculórum. Amen.

Ant. Christum, Fílium diléctum, in quo Pater sibi complácuit, veníte, adorémus.

Psalmus cum sua antiphona, pro opportunitate, omitti potest quando Invitatorium Laudibus matutinis præponendum est.



 Based on LITURGIA HORARUM IUXTA RITUM ROMANUM (editio typica)